![Wild+Cardiff+Logo_Multicolour Wild about Cardiff logo](https://www.outdoorcardiff.com/wp-content/uploads/WildCardiffLogo_Multicolour-1024x578.jpg)
Mae’r adnoddau hyn wedi’u creu gan Brosiect Partneriaeth Rhoi Cartref i Fyd Natur yng Nghaerdydd. Mae’r prosiect wedi gweithio gyda dros 30,000 o deuluoedd, ysgolion, sefydliadau lleol ac unigolion i helpu i gysylltu cymunedau trefol â bywyd gwyllt lleol a’u grymuso i weithredu dros fyd natur.
Rhwng 2017-2022, mae’r prosiect hwn wedi’i ariannu gan Gronfa Gymunedol y Loteri Genedlaethol a’i weithredu mewn partneriaeth ag RSPB Cymru, Cyngor Caerdydd a Buglife Cymru.
Datblygodd Prosiect Rhoi Cartref i Fyd Natur yng Nghaerdydd ystod o weithgareddau chwarae ym myd natur dwyieithog ar gyfer plant 3-16 oed. Mae modd eu defnyddio mewn lleoliadau chwarae ffurfiol neu anffurfiol.
Mwynhaodd dros 10,000 o blant gysylltu â byd natur drwy ddefnyddio’r rhain rhwng 2017-2022.
Mae’r canllaw hwn yn esbonio sut i ddefnyddio’r gweithgareddau syml hyn i greu sesiynau chwarae ym myd natur.
Wrth feddwl pa weithgareddau i’w paratoi er mwyn helpu i gysylltu plant a theuluoedd â byd natur, mae’n werth ystyried y Pum Llwybr i Gysylltu â Byd Natur, a luniwyd gan Brifysgol Derby. Datblygwyd y llwybrau hyn yn dilyn blynyddoedd o ymchwil gan weithwyr proffesiynol amrywiol a byddant yn sicrhau cysylltiad â byd natur i blant. Mae pob llwybr yn addas ar gyfer arddull dysgu a datblygu penodol, a thrwy sicrhau bod gennych weithgareddau sy’n ymgorffori dau neu fwy o’r llwybrau hyn, rydych yn gwneud y gweithgaredd yn hygyrch ac yn fwy cynhwysol i gynulleidfa ehangach.
Drwy ymchwil, ymgynghori a gwerthuso, creodd prosiect Rhoi Cartref i Fyd Natur yng Nghaerdydd ‘fatrics’ o weithgareddau tymhorol. Mae gan bob gweithgaredd brif lwybr. Mae llawer o’r gweithgareddau’n cefnogi mwy nag un llwybr, er enghraifft ‘Planhigion blodeuol’, sy’n cael ei restru dan cyswllt ond sydd â chysylltiad agos â harddwch hefyd. Yn yr un modd, gellir gwneud llawer o’r gweithgareddau drwy gydol y flwyddyn, ac nid yn ystod un tymor yn unig.
Y syniad yw eich bod yn defnyddio cyfuniad o’r gweithgareddau hynny sy’n addas i chi er mwyn creu eich digwyddiad natur eich hun, neu’n eu defnyddio fel gweithgareddau unigol.
Mae croeso i chi lawrlwytho’r 16 o weithgareddau hyn a’u defnyddio gyda phlant a theuluoedd.
Dyma ychydig o dempledi gwag i chi greu eich gweithgareddau eich hun.
Addysgu gyda Natur
Canllaw tymhorolar gyfer darparu cwricwlwm Cymru gan ddefynddio’r awyr agored.
![RSPB Cymru logo](https://www.outdoorcardiff.com/wp-content/uploads/RSPB-Cymru-logo.png)
Gallwch ddefnyddio Adnoddau Her Wyllt yr RSPB ac Adnoddau Her Teulu’r RSPB yn eich gweithgareddau.
Chwarae tu allan
![pexels-michael-morse-1582736 Children playing with leaves](https://www.outdoorcardiff.com/wp-content/uploads/pexels-michael-morse-1582736.jpg)
Cyn i chi chwarae yn yr awyr agored, dyma saith rheol euraidd i gadw pawb yn ddiogel. Defnyddiwch nhw i ffurfio eich asesiad risg.
- Ymarfer gweithgareddau ymlaen llaw i weld sut i leihau risgiau.
- Gwiriwch y tywydd y diwrnod cynt.
- Gofynnwch i’r plant sut y gallant gadw eu hunain yn ddiogel.
- Byddwch yn wyliadwrus yn ystod y gweithgaredd am beryglon annisgwyl.
- Gwell peidio ag aflonyddu ar bethau byw, yn hytrach edrych arnynt yn dawel.
- Peidiwch â chyffwrdd ag unrhyw beth nad ydych 100% yn siŵr amdano neu y gwyddoch y bydd yn eich pigo.
- Sicrhewch fod y plant yn gwybod y ffiniau, a’ch bod bob amser yn gwybod ble maen nhw.
Ieithoedd eraill
Mae’r holl adnoddau ar gael yn y Gymraeg a’r Saesneg.
Mae rhai o’n hadnoddau hefyd ar gael ym 5 iaith sy’n gyffredin yng Nghaerdydd: Arabeg, Wrdw, Somalieg, Bengaleg a Phwyleg.
![4. Looking for spiders_credit Abigail Luxford-Noyes](https://www.outdoorcardiff.com/wp-content/uploads/4.-Looking-for-spiders_credit-Abigail-Luxford-Noyes.jpg)
Ariannwyd yr hyfforddiant gan Gronfa Gymunedol y Loteri Genedlaethol a Phartneriaeth Natur Lleol Caerdydd.
![Wild+Cardiff+Funder+Bar_Blue++Orange decorative](https://www.outdoorcardiff.com/wp-content/uploads/WildCardiffFunderBar_Blue26Orange.jpg)