Tŷ Gwydr Parc y Rhath

Mae’r tŷ gwydr ym Mharc y Rhath wedi’i gynhesu ac mae’n cynnwys llawer o rywogaethau anarferol o blanhigion a choed, megis:

• palmwydd,
• coed banana,
• tegeirianau, a
• blodyn ystlum.

Mae gan y tŷ gwydr raeadr a phwll sy’n gartref i’r canlynol:

• pysgod,
• terapiniaid, a
• hwyaid chwibanog.

Mae’r tŷ gwydr hefyd yn gwerthu bwyd adar ar gyfer bwydo’r elyrch a’r hwyaid ar y llyn, nwyddau tymhorol, planhigion ac ategolion.

Mae’r tŷ gwydr a’r tiroedd yn cael eu cefnogi gan Gyfeillion Parc y Rhath.

Prisiau mynediad

• Oedolion: £2.30
• Plant: £1.15, plant dan 5 mlwydd oed am ddim.
• Consesiynau: £1.15
  Mae’r gyfradd hon yn berthnasol i bobl anabl, pobl ddi-waith, myfyrwyr a phensiynwyr.

Archebion grŵp: cysylltwch â ni i drefnu archeb grŵp.

mweliadau ysgol: Rydyn ni’n cynnig sesiynau addysg i ysgolion yn y tŷ gwydr.

Prisiau tocynnau tymor (y flwyddyn)

• Unigolion: £11.25
• Consesiynau: £7.90
• Teuluoedd: £28.25 (2 oedolyn a 2 blentyn)

Hanes y tŷ gwydr

Rhwng 1973 a 1974, dyrannodd y Pwyllgor Parciau oddeutu £20,000 i adeiladu’r tŷ gwydr ym Mharc y Rhath.

Agorwyd y tŷ gwydr tua haf 1975. Fe’i hadeiladwyd ar safle 2 dŷ gwydr hanesyddol y parc:

• y Tŷ Bodau Mihangel, a’r
• Tŷ Cactws llai.

Roedd y rhain hefyd yn cael eu hadnabod fel y Tŷ Planhigion Newydd a’r Tŷ Trofannol.

Ym 1988, rhoddwyd ffenestri polycarbonad triphlyg yn lle’r ffenestri gwydr gwreiddiol. Roedd y deunydd hwn yn cael ei ystyried yn fwy diogel na’r ffenestri gwydr, a allai dorri’n hawdd.

Roedd y gwaith newydd i sicrhau arbedion ar gostau gwres, felly fe’i hariannwyd yn rhannol gan Raglen Cadwraeth Ynni y Cyngor. Amcangyfrifwyd y byddai o leiaf 26% o arbedion bob blwyddyn.

Pan agorodd, cost mynediad oedd 5c y person.

Gwyliwch ffilm fer o’r tŷ gwydr o 1974.

Gyda diolch i dîm Parciau Caerdydd am yr hanes a’r fideo.

Darganfyddwch y tŷ gwydr